Napoli po fillon të lëvizë në merkato dhe seriozisht madje. Aurelio de Laurentiis i ka bërë një ofertë Milanit për Stephan El Shaarawy.
Shifra e ofruar, tepër e rëndësishme: 30 milionë euro plus bonuset. Ndërkohë, gjatë pasdites, të mërkurën, presidenti i napolitanëve ka marrë një ofertë nga “blutë” e Londrës, Chelsea, sinjale pozitive për Edinson Cavani-n.
Ata janë të gatshëm të paguajnë klauzolën e prishjes së kontratës, prej 63 milionë eurosh. E pikërisht nga kjo lëvizje ka ardhur vendimi për të braktisur pistën Belfodil dhe për të synuar Faraonin e Milanit.
Milan në prag të revolucionit të dytë?
40 milionët e El Shaarawy-t do të kthejnë Thiago Silva-n. Revolucioni mban emrat e Tevez dhe Diamanti-t
Ndërkohë, nëse sulmuesi kuqezi do të largohet, Milan do të bëjë gjithçka për të rikthyer në “San Siro” mbrojtësin Thiago Silva, nga PSG.
Dëshira e Milanit është të bëjë çmos për të mbajtur Stephan El Shaarawy, por përpara një oferte prej 40 milionë eurosh, lojtari mund të largohet.
Faraoni nuk është i pashitshëm dhe këtë e ka konfirmuar Adriano Galliani: “Askush nuk është i pashitshëm”. Por, është po aq e qartë se për sulmuesin, kuqezinjtë do të kërkojnë shumë parà, të cilat do të shërbejnë për të rikthyer mbrojtësin brazilian.
Por, braziliani nuk është i vetmi emër në axhendë: nën gjurmët e Galliani-t janë edhe Tevez e Diamanti, njëri sulmues i Man City dhe tjetri fantazist i Bologna-s. Revolucioni i dytë kuqezi është pothuajse gati.
Top Channel
