Një prej modeleve më të famshme të botës, Rosie Huntington-Whiteley, tregoi edhe një herë më shumë nga Franca linjat e saj të mrekullueshme.
Megjithatë, këtë herë, “ëngjëlli” i “Victoria’s Secret” nuk ishte në ndonjë fushatë publicitare dhe as e gatshme që të “ndante” hiret e saj me markat që paguajnë miliona për të reklamuar produktet e tyre nëpërmjet trupit të saj.
26-vjeçarja udhëtoi në bregun jugor të Francës së bashku me të dashurin, aktorin 20 vjet më të moshuar, Jason Statham, të cilit i dedikoi eksluzivitetin e një prej trupave më të lakmuar të botës.
Dukshëm të dashuruar, çifti elegant u fotografua duke shijuar kohën e tyre të lirë në bregdet, në disa prej restoranteve më luksoze dhe të shtrenjta të zonës dhe në jahtin e marrë me qera për këto ditë pushimi.
Statham-Whiteley janë të ftuar në ceremoninë luksoze martesore që Tamara Ecclestone, e bija e pronarit të të drejtave televizive të Formulës 1, Bernie, do të realizojë në Francë javën e ardhshme.
Megjithatë, aktori 45-vjeçar dhe modelja, gjykuan se ky ishte një moment i përshtatshëm për të mbërritur në destinacion që një javë përpara, për të kaluar disa ditë dedikuar vetëm njëri-tjetrit, diçka e vështirë gjatë vitit për shkak të kalendarit të ngjeshur të impenjimeve profesionale të secilit.
Top Channel
