Princ Filipi do i nënshtrohet operacionit
07/06/2013 03:20
Të veshur me të zeza dhe …/ Hamasi publikon videon rrëqethëse të dy pengjeve izraelite që po mbahen në Gazë prej 7 tetorit 28/04 12:49
Duka i Edinburgut është shtruar në spital për një operacion kërkimor, bëri të ditur pallati mbretëror “Buckingham Palace”.
Duka u shtrua në “London Clinic”, “pas shfaqjes së dhimbjeve të barkut” dhe pritet të qëndrojë për të paktën 2 javë në të.
Operacioni pritet të kryhet të premten, me anestezi të përgjithshme. Ky është një shtrim i planifikuar dhe jo emergjent.
Princ Filipi, i cili do të mbushë 92 vjeç më 10 qershor, u tërhoq nga një angazhim zyrtar në fillim të kësaj jave. Në të kaluarën, Duka ka patur edhe “dhimbje barku” të panjoftuara zyrtarisht, duke u shtruar edhe herë tjetër në spitalin e Londrës qendrore.
Pallati mbretëror lëshoi një deklaratë, ku thuhej se “informacione të mëtejshme do të lëshohen kur të jetë e përshtatshme”.
Të hënën, princ Filipi u tërhoq nga angazhimi në Institutin Kombëtar Mbretëror për Njerëzit e Verbër, pasi nuk ndihej mirë përpara shërbesës së javës së kaluar, ku u shënua 60-vjetori i kurorëzimit të Mbretëreshës.
Top Channel
