Mourinho, tek Chelsea për 4 vjet
30/05/2013 00:00
SUPERIORE/ Fitore për Partizanin, “Demat” mposhtin Bylisin në shtëpi dhe marrin kreun, Egnatia “skuq” Skënderbeun 05/10 21:14
Mungon ende zyrtarizimi i Chelsea, por kthimi i Jose Mourinho është
tashmë e zezë mbi të bardhë, i ratifikuar nga firma që portugezi ka
hedhur në kontratën 4-vjeçare.
Lajmin e bën të ditur tabloidi anglez “The Sun”, sipas të cilit marrëveshja, që parashikon një rrogë prej 10 milionë eurosh për sezon, është finalizuar të martën.
Një burim i brendshëm i klubit të Stamford Bridge thotë: “Tani është zyrtare, Jose është sërish tek Chelsea! Të gjithë jemi të lumtur për kthimin e tij”.
“Drejtuesit, lojtarët dhe tifozët, të gjithë sa jemi, mesi presim që të fillojë sezoni i ri”, ka deklaruar burimi që ka ruajtur anonimatin.
Prej disa javësh flitej për kthimin e Mourinho në Londër, por mungonin ende detajet e fundit për t’u finalizuar dhe pengesat që ishin për t’u zgjidhur, mes të cilave mundësia për të kaluar në pankinën e Paris Saint Germain.
Top Channel
