Londra përgatitet për gjermanët
24/05/2013 13:10
“O tullac…”, çfarë ndodhi në përfundim të ndeshjes Angli-Sllovaki? Calzona dhe Rice afër përleshjes 01/07 10:51
Në Londër jetojnë rreth 40 mijë gjermanë të cilët të shtunën, së bashku me 80 mijë të tjerë që do të vijnë nga Gjermania, do të shijojnë finalen e madhe të Ligës së Kampioneve që do të luhet në Uembli mes dy skuadrave më të mira të Bundesligës: Bayern Munchen dhe Borussia Dortmund.
Sigurisht që jo të gjithë do të futen në stadium, kështu që pub-et në afërsi të Uemblit janë prenotuar njësoj si vendet në shkallët e Uemblit dhe është e pamundur të gjesh vende për takimin e së shtunës.
Bayern dhe Borussia kanë pasur nga 23 mijë bileta në dispozicion që janë shitur menjëherë. Edhe pse është ndaluar vendosja e ekraneve gjigande në hapësirat publike, policia ka frikë nga dyndja e tifozëve të të dyja skuadrave në kryeqytetin anglez.
Zyrtarët e lartë të policisë kanë frikë nga trazira të mundshme jo vetëm mes dy tifozerive, por edhe mes tyre dhe anglezëve që do i bashkohen kësaj feste futbolli.
Top Channel
