F1, Red Bull i kundërpërgjigjet Alonsos
24/05/2013 10:10
Shkëlqejnë legjionarët! Gjimshiti feston me mocarela, shënojnë Bajrami, Muçi dhe Uzuni 04/11 15:27
Tensioni mes Red Bullit dhe Ferrarit po rritet gjithmonë e më shumë. Ditën e enjte Fernando Alonso ishte shprehur se problemi i skuderisë austriake ishte se kishte harruar të pranonte humbjen pas shumë vitesh e mësuar me fitore dhe menjëherë erdhi përgjigja e Christian Horner, shefit të Red Bullit.
Ai deklaroi për ‘Catalunya Radio’: “Nuk jam dakord me Alonson. Sporti njeh humbje dhe fitore. Kur humb, duhet të punosh më shumë dhe jo të ankohesh për flamujt e verdhë.”
Horner i referohet polemikës që lindi pas garës së Brazilit të vitit të kaluar, ku u vendos titulli kampion në favor të Sebastian Vettel (Red Bull). Pas kësaj gare u shfaqën video të regjistruara nga tifozët që tregonin se Vettel mund të kishte kryer parakalime nën regjimin e flamujve të verdhë.
Tifozët e Kokëkuqes kërkuan që Vettel të dënohej për manovrat e parregullta, por Ferrari nuk parashtroi kërkesë për hetimin e kësaj çështjeje dhe në fund Vettel fitoi kampionatin.
Top Channel
