Në një mbrëmje ku Selena Gomez fitoi duartrokitjet e një salle të mbushur me yje të muzikës dhe kinematografisë, e me qindra fansa të zgjedhur, ish-i dashuri i saj, Justin Bieber, përjetoi një moment të vërtetë “poshtërimi”, teksa u vërshëllye gjatë performancës.
Të dy adoleshentët ishin të pranishëm në “2013 Billboard Music Awards”, zhvilluar në Las Vegas, gjatë së dielës.
Por, ndërsa kërcimi sensual i 20-vjeçares u duartrokit nga të pranishmit, kanadezi Bieber befasoi në sensin negativ publikun, duke interpretuar në rolin e një alieni, që dilte nga anija e tij jashtëtokësore.
Megjithatë, vërshëllimat nuk ndikuan në vlerësimin e jurisë, e cila nderoi 19-vjeçarin me tre çmime gjatë mbrëmjes.
Top Channel
