Irak, dhuna ndërfetare shkakton 42 viktima

Kryeqyteti Bagdad ishte ai që u godit më shumë, me tetë shpërthme të ndodhura në stacione autobuzësh dhe tregje të lagjeve ku përqendrohet popullsia shiite.

Dy shpërthime kishin ndodhur më parë në qytetin e Basrës dhe një tjetër në Samarra vrau tre persona.

Këtu sulme përbëjnë një përshkallëzim të ri në rritjen e dhunës në Irak, të lidhur me tension politik dhe sektar.

Sipas policisë, numri i të plagosurve ishte në të paktën 175, disa në gjendje kritike, ndërsa më shumë se gjysma e të vrarëve u përqendrua në kryeqytet, me të paktën 25.

Ndonëse dhuna në Irak mbetet ende larg nivele kulmore të viteve 2006-07 pas tërheqjes së trupave amerikane dhe koalicionit në dhjetor 2011, vendi i Lindjes së Mesme ka përjetuar një përshkallëzim të dhunës fetare, e cila po kërcënon vetë ekzistencën e Irakut, me territorin dhe formën e sotme shtetërore.

Për Irakun, një shtet me 31 milionë banorë, po rezulton problematike ndarja fetare dhe etnike e popullsisë.

Në vend, sipas statistikave, 60% e popullsisë janë shiitë, rreth 35% sunitë dhe 5% tjetër të krishterë apo anëtarë të besimeve të tjera.

Ndërsa etnia është e ndarë në 75% arabë, 20% kurdë, asirianë, turkomanë dhe të tjerë me rreth 5%.

Top Channel