Goditje në Kanë, grabiten 1 mln dollarë bizhuteri

Grabitja ka ndodhur në hotelin e një punonjësi të shtëpisë së prodhimit të bizhuterive, Chopard. Bizhutë ishin të gjitha të projektuara për t’u vendosur nga aktorët dhe artistët e tjerë të famshëm pjesëmarrës në festivalin e Kanës.

Por ato janë zhdukur nga hoteli ku ishin strehuar, ndërsa policia franceze ka nisur menjëherë hetimet duke marrë fillimisht në pyetje punonjësin e “Chopard” që i ishte besuar sasia e konsiderueshme e sendeve me vlerë.

Ndërkohë, organizatorët nxituan të sigurojnë publikun se “Palma e Artë”, që do të dorëzohet më 26 maj, është në duar të sigurta.

Në bashkëpunim me organizatorët e festivalit të filmit, “Chopard”, përvec bizhuterive të huazuara për të famshmit që duan të duken sa më bukur, përgatit edhe “Palmat e Arta”, trofe që i dorëzohen filmave që nderohen me cmim gjatë konkurimit në festival.

Top Channel