Rritje në bursën japoneze
15/05/2013 00:00
Kroaci, partia konservatore në pushtet fiton shumicën në zgjedhje, por nuk mund të qeverisë e vetme 18/04 07:12
Aksionet në bursën japoneze janë rritur duke kaluar kuotën 15.000, për
herë të parë që prej janarit të 2008-ës, me jenin që vazhdon të
dobësohet, duke nxitur fitimet për eksportuesit.
Ditën e mërkurë, indeksi i Nikkei u rrit me 2.3 për qind në kuotën 15.096, me prodhuesin e automjeteve “Toyota” dhe gjigandin e elektronikës “Sony” që udhëheqin listën e fitimeve.
Nikkei ka shkuar mbi 46 për qind që prej fillimit të vitit 2013. Banka qendrore e Japonisë ka ndërmarrë një plan agresiv për të dobësuar jenin.
Një valutë e dobët do të thotë fitime më të mëdha për kompanitë kur fondet do të riatdhesohen në vend. Gjithashtu, kjo i bën produktet e tyre më tërheqëse përtej detit.
Jeni japonez është për të katërtin vit e gjysmë më i ulët kundrejt dollarit amerikan, duke u këmbyer me rreth 102 pikë në Azi. Valuta ka rënë me më shumë se 20 për qind që kur kryeministri japonez Shinzo Abe mori drejtimin e qeverisë dhjetorin e kaluar.
Zoti Abe ka mbështetur politikën monetare ultra të lehtë të bankës qendrore, që bën thirrje për injektimin e më shumë parave në sistemin ekonomik japonez. Lëvizja synon të dobësojë valutën, por edhe të rrisë çmimet për konsum.
Ekonomia japoneze lufton prej pothuajse dy dekadash fenomenin e rënies së çmimeve, i njohur ndryshe si deflacion, që dekurajon shpenzimet për kompanitë dhe konsumatorët, të cilët i ruajnë paratë për një blerje më të mirë.
Top Channel
