SHBA, 19 të plagosur në “luftën” mes bandave
13/05/2013 15:35
“Kandidat fals i demokratëve”/ Ish-presidenti Trump shton sulmet personale ndaj kandidatit të pavarur Robert F. Kennedy Jr. 12/05 07:26
Të paktën 19 persona mbetën të plagosur gjatë një shkëmbimi zjarri të ndodhur gjatë një parade për Ditën e Nënës, në qytetin e Nju Orlinsit, në SHBA.
Midis të lënduarve ishin edhe dy fëmijë 10-vjeçarë. Sipas mediave amerikane, asnjëri prej të plagosurve nuk është në gjendje kritike për jetën.
Është ende e paqartë se çfarë motivoi ngjarjen e ndodhur në mbrëmjen e së dielës (e hënë në mëngjes me orën shqiptare).
Disa kamera të sigurisë së vendosur në rrugë treguan tre persona duke u larguar me shpejtësi nga vendngjarja, por ende nuk ka një identikit për autorët.
Sipas disa dyshimeve, pjesëmarrësit e paradës rastisën të ishin në mes të një shkëmbimi zjarri mes bandash, ndërsa FBI ka përjashtuar për momentin mundësinë e një akti terrorist.
Nga ana e tij, kryebashkiaku i Nju Orlinsit, Mitch Landrieu, i bëri thirrje të gjithë atyre që kanë informacion mbi autorët e kësaj ngjarje që të bashkëpunojnë me policinë.
Top Channel
Top Channel/Aurorat ndriçojnë qiejt nga Amerika në Kinë. Stuhia e rrallë diellore e para ndër dekada
Top News/ ‘SPAK të hetojë mirëmbajtjen e rrugëve’/ Konfindustria, për akset Tiranë-Durrës-Rrogozhinë
Top News/ ‘Rama po luan me dinjitetin helen’/Letra nga burgu e Belerit për vizitën e Ramës në Athinë
