“G7”, konferencë për reformat bankare
10/05/2013 08:35
Zbulohet shkaku i vdekjes së modeles së New York, Eva Evans (fotot)
24/04 18:24
Ministrat e Financave të “G7”, grupit të shtatë vendeve më të industrializuara të botës, do të nisin një takim 2-ditor këtë të premte.
Konferenca, e cila do të mbahet në Londër, do të jetë e përqendruar në reformat e nevojshme bankare.
Shpëtimi urgjent i Qipros, nëpërmjet një dorëzanie të dhënë nga BE në muajin mars, gjithashtu do të jetë në qendër të bisedimeve si një fenomen.
Ky takim i “G7”-s është një ngjarje e rrallë, pasi në vitet e fundit, është tentuar gjithmonë e më shumë që takimet të realizohen në kuadrin e “G20”-s, një strukturë e zgjeruar në 20 vendet më të industralizuara të botës.
”Qëllimi ynë është të debatojmë mbi mënyrat se si të ushqejmë rikthimin e rritjes ekonomike në një të ardhme sa më të afërt”, deklaroi Ministri britanik i Financave, George Osborne.
”Nuk ka dyshime se qëndrueshmëria financiare është aktualisht më e madhe se në të njëjtën periudhë të vitit të shkuar, por duhet të bëhet ende shumë punë për të inkurajuar rritjen ekonomike”, shtoi ai.
Grupi i shtatë vendeve më të industrializuara të botës përbëhet nga SHBA, Kanada, Britania e Madhe, Franca, Gjermania, Italia dhe Japonia, vende që kanë të përqendruar në duart e tyre 66% të pasurisë botërore.
Top Channel
