Kryeministri izraelit Benjamin Netanyahu ka urdhëruar, pa shumë
publicitet, ngrirjen e tenderave të rinj për ndërtimin e kolonive të
reja në Bregun Perendimor.
Lajmin e bën të ditur radioja ushtarake izraelite, sipas të cilës vendimi, i refuzuar në të kaluarën nga Netanyahu, është marrë pas presioneve të SHBA, në tentativë për të rifilluar negociatat e paqes.
Ndërkohë, liderët e lëvizjeve të kolonive janë alarmuar nga kyvendim, duke kërkuar një takim urgjent me kryeministrin.
Aktualisht, presidenti i Autoritetet Palestinez, Mahmoud Abbas dhe Netanyahu ndodhen të dy në Kinë për bisedime me zyrtarët më të lartë të vendit aziatik.
Vizita e liderëve, ndonëse e ndarë, ka tërhequr shumë vëmendje mediatike, pasi për herë të parë Pekini duket se po shndërrohet në një aktor parësor ndërmjetësues në këtë çështje të nxehtë.
Në deklaratën e tij, Abbas, i cili u takua me presidentin Xi Jinping ditën e hënë në Pekin, informoi se kishte si qëllim të shpjegojnte personalisht se cilat janë pengesat që kanë shkaktuar ngecjen e bisedimeve me Tel Avivin.
Ndërsa Netanyahu, i cili fillimisht vizitoi Shanghain dhe do të zhvendoset në Pekin më vonë gjatë javës, ka në fokusin e vizitës së tij nënshkrimin e marrëveshjeve tregtare dhe problemin Iranian.
Top Channel
