SHBA, goditet në fushë, vdes arbitri
06/05/2013 16:25
Polonia, e gatshme të kthejë në Kiev ukrainasit që të shërbejnë në ushtri 24/04 22:47
Një gjyqtar futbolli humbi jetën pasi u godit me një grusht gjatë një ndeshje futbolli në Salt Lake City, Utah.
Ricardo Portillo ndërroi jetë ditën e dielë, në moshën 46-vjeçare, pasi kaloi një javë në gjendje kome pas këtij sulmi.
Sipas policisë, ishte një 17-vjeçar në kampionatin kombëtar të të rinjve të qendrave të riedukimit ai që qëlloi me grusht arbitrin.
Adoleshenti, i cili ishte burgosur për agresion të rënduar, tashmë mund të përballet me akuza të reja.
Duke luajtur në rolin e portierit, autori i vrasjes qëlloi me grusht Portillon pasi ai i shfaqi një karton të verdhë, për pengimin që i bëri një kundërshtari.
Dëshmitarë thanë për mediat amerikane se pas grushtit të të riut, 46-vjeçari ra përtokë duke nxjerrë shkumë e gjak nga goja. Ai ndërroi jetë pas një jave në spital, por një autopsi duhet të përcaktojë ende arsyen e saktë të vdekjes.
Top Channel
