Gjermani, gjurmohet kuzhinieri i Aushvicit
24/04/2013 16:25
Izraeli nën alert! Ndizen sirenat në pjesën jugore, raketat duken mbi qiell (Fotot) 06/05 22:50
Prokuroria e qytetit gjerman të Shtutgartit konfirmoi se është duke hetuar një ish-zyrtar nazist për krimet e ndodhura gjatë Luftës së Dytë Botërore në kampin e përqëndrimit të Aushvicit.
93-vjeçari Hans Lipschis punoi në kampin e vendosur në Poloninë e pushtuar si një kuzhinier, por dyshohet se ai është i përfshirë në krime të ndodhura ndaj të burgosurve në kampin famëkeq.
Emri i Lipschis figuron në vendin e katër të qendrës hebrehe “Simon Wiewsenthal”, për nazistët më të kërkuar ende në jetë.
Mediat gjermane kanë arritur të zbulojnë se ai jeton në Aalen, në jug të Gjermanisë. i moshuari nuk është ngarkuar ende penalisht.
93-vjeçari është midis 50 anëtarëve të stafit të Aushvicit, që po rihetohen së fundmi nga autoritetet gjermane.
Aushvici ishte kampi më i madh i vdekjes në Gjermanisë Naziste dhe vendi ku u mbytën në gaz apo forma të tjera 1,1 milionë persona, shumica prej të cilëve hebrenj.
Top Channel
