Afganistan, rrëmbehen shtetasit turq e rusë
22/04/2013 16:00
I akuzuar për marrje ryshfeti, fillon gjyqi për korrupsion ndaj senatorit amerikan Bob Menendez 13/05 21:49
Një grup prej dhjetë shtetasish të huaj u rrëmbye ditën e hënë nga rebelët talebanë në lindje të Afganistanit, konfirmuan burime zyrtare.
Shtatë turq, dy rusë dhe një afgan ndodheshin në një helikopter civil, i cili u shtrëngua të kryente një ulje të detyruar në zonën e Azrës, në krahinën e Logarit.
Logari është një prej krahinave të njohura për ndikimin e madh të talebanëve, që konfirmuan për mediat ndërkombëtare se mbajnë nën kontroll shtetasit e huaj.
Trupat e NATO-s dhe koalicionit të vendeve të tjera me prezencë në Afganistan po shikojnë mundësinë e një ndërhyrje, në një operacion kërkim-shpëtimi.
Një zëdhënës i Kabulit zyrtar tha se qeveria është gjithashtu duke u përpjekur që të ndërmjetësojë lirimin e pengjeve, duke kontaktuar kryepleqtë me ndikim të fiseve të ndryshme të zonës.
Top Channel
