SHBA, alarm për bombë në aeroport
01/04/2013 15:45
Gjyqi ndaj ish-presidentit Trump, një person në SHBA i vë flakën ndërtesës ku u mbajt seanca gjyqësore! 17 persona të lënduar 19/04 20:08
Një terminal i aeroportit ndërkombëtar të Detroitit, në SHBA, u evakua për rreth dy orë mëngjesin e së hënës, pas shqetësimit që ngjalli një pajisje e dyshuar si bombë.
Terminali veriori, më i vogli nga dy terminalet e aeroportit, u rihap pas një kontrolli të imtësishëm, që nuk zbuloi asnjë gjurmë të lëndëve shpërthyese.
Alarmi u dha pasi gjatë kontrollit të bagazheve, në një valixhe u pikas një pajisje, e cila ngjante me një bombë.
Pasi pasagjerët u larguan në një distancë të sigurt, skuadrat speciale anti-eksploziv kontrolluan valixhen e dyshuar dhe të gjithë ambientet e tjera, por alarmi rezultoi se ishte i rremë.
Si rrjedhojë e këtij problemi, shumë udhëtime nga një prej aeroporteve kryesore të Shteteve të Bashkuara, një qendër për shumë linja që lidhin vendin me Europën, pësuan vonesa disa-orëshe.
Top Channel
