Francë, vidhen 3.700 shishe shampanjë
27/03/2013 17:00
Një aeroplan me dy vende rrëzohet në Filadelfia, plagosen pasagjerët 01/04 22:36
Rreth 3.700 shishe shampanjë të markës “Jacques Selosse” janë vjedhur në Francë, për një vlerë që llogaritet rreth 300 mijë euro.
Lajmin e bëjnë të ditur agjencitë franceze, sipas të cilave hajdutët bashkë me shishet kanë vjedhur edhe 16 mijë etiketa.
Sipas burimeve, hajdutët kanë bastisur kantinën e verës në Avize, në veri të Francës, gjatë natës mes 21 dhe 22 marsit të kaluar.
Bëhet fjalë për një vjedhje të veçantë, që ka habitur edhe policët e qytezës kur kanë marrë denoncimin nga punonjësit e kantinës.
Kantina që prodhon këtë llojë shampanje, ndër më prestigjozet në Francë, u themelua nga Jacques Selosse dhe familja e tij në vitin 1950 dhe nxorri prodhimin e parë 10 vjet më vonë.
Pronari i saj aktual është Anselme Selosse, që mori drejtimin nga i ati Jacques në vitin 1980. Në vitin 1994 kantina në fjalë mori çmimin e Prodhuesit më të mirë të Verës në Francës.
Top Channel
