Afganistan, sulmi ndaj talebanëve, dhjetëra të vrarë
27/03/2013 16:55
Hera e parë që nga 7 tetori, administrata Biden pezulloi dërgesën e municioneve në Izrael 05/05 18:43
Një sulm i koordinuar i trupave afgane të sigurisë çoi në eliminimin e dhjetërave militantëve islamikë gjatë 24 orëve të fundit, informoi të mërkurën Ministria Afgane e Mbrojtjes.
Operacionet u realizuan nga policia afgane kombëtare, Drejtoria Kombëtare e Sigurisë dhe u mbështetën prej koalicionit të NATO-s në vend, “ISAF”-it.
Sipas bilancit zyrtar, 52 talebanë u vranë, 45 u plagosën dhe 21 të tjerë u arrestuan në këtë aksion.
Në fillim të javës, në një tjetër aksion paralel, u konfirmua eliminimi i 23 anëtarëve të forcave talebane.
Ndonëse niveli i dhunës në Afganistan është larg kufirit të disa viteve më parë, ndërsa trupat e NATO-s po përgatiten të largohen vitin e ardhshëm, militantët kanë fituar terren dhe po organizojnë një seri sulmesh shqetësuese, veçanërisht ato “brenda radhëve”, siç njihen sulmet e realizuara nga policë apo ushtarë afganë të radikalizuar.
Gjatë vitit të shkuar, më shumë se 60 trupa të NATO-s, përfshi kapiteni shqiptar Feti Vogli, mbetën të vrarë në sulmet e këtij lloji.
Top Channel
