Interi, 18 mln euro për Robben
25/03/2013 19:00
Spektakël i garantuar në Euro 2024/ Pretendentët luajnë në të njëjtën anë, Italia sheh rrezik vetëm nga… Anglia 26/06 09:29
Arjen Robben mund të jetë futbollisti i madh, ku Interi do të bazojë projektin e sezonit të ardhshëm.
Të paktën kështu raportoi “La Gazzetta dello Sport” të hënën, duke cituar burime pranë klubit.
Sipas të përditshmes italiane, pas sigurimit të disa blerjeve për sezonin e ardhshëm, klubi i Morattit është vënë në kërkim të një futbollisti të madh dhe 29-vjeçari, tashmë jo më një titullar fiks tek Bajerni, është i preferuari.
Për të bërë për vete kartonin e Robben, Interi është i gatshëm të paguajë deri 18 milionë euro, por më parë duhet të mposhtë konkurrencën e Gallatasarait, që synon të bashkojë këtë futbollist me dyshen Sneijder-Drogba.
Ndërkohë, sipas gazetës, blerjet e garantuara tashmë janë ato të Icardi (Sampdoria), Laxalt (Defensor Uruguay), Campagnaro (Napoli), Andreolli (Chievo) dhe Botta (Tigre, Argjentinë).
Top Channel
