Një 49-vjeçar shqiptar u bë të premten protagonist i lajmeve të mëngjesit në mediat italiane, pasi u ngjit në Kupolën e Shën Pjetrit, në Vatikan, me qëllimin për t’u vetëvrarë.
Shkak i këtij veprimi ishte dekreti i dëbimit nga Italia, sepse ai ishte emigrant i paligjshëm. Gjithashtu, personi kishte probleme familjare dhe disa preçedentë për keqtrajtim në familje dhe sekuestrim personi.
Në vendngjarje mbërriti menjëherë xhandarmëria dhe inspektoriati i Vatikanit. Më pas shqiptari u bind që të zbriste dhe iu dorëzua policisë italiane.
Nuk është hera e parë që ndodh një ngjarje e tillë. Tetorin e kaluar, një biznesmen italian nga Trieste u ngjit në kupolën e Vatikanit për të protestuar kundër politikës ekonomike të qeverisë.
Top Channel