Mbyllet fushata në Maqedoni

Ali Ahmeti tha se, në 24 mars do të bëhet realitet ëndrra për Kërçovën.

“Këtu mund të ketë edhe njerëz nga komuniteti maqedonas, unë i përshëndes dhe u them se Kërçova është e të gjithëve. Ajo është e shqiptarëve dhe ne nuk ua mohojmë të tjerëve, maqedonasve, romve, turqve e egjiptianëve. Bashkë duhet ta ndërtojmë Kërçovën. Bashkë do të jemi edhe më të fortë”, deklaroi Ahmeti.

Ndërsa Menduh Thaçi kërkoi që votuesit të dënojnë me votë politikën e kryeministrit Gruevski dhe aleatit të tij shqiptar.

“Beteja e 24 marsit është beteja e atyre që mendojnë se duhet mbështetur politika e Gruevskit dhe Ahmetit dhe neve që themi se shqiptarët duhet ta dënojnë qeverinë e tyre. Të nderuar tetovarë, ne vlerësojmë dhe jemi të bindur se ju do ta mbështesni kandidaturën e profesor Sadi Bexhetit. Vota për të do nxjerrë jashtë skenës politike të përulurit ndaj maqedonasve dhe Gruevskit”, tha Thaçi.

Top Channel