Pas fitores në garën e parë të sezonit në Australi, Kimi Raikkonen provon se suksesi i tij nuk ishte i rastësishëm, ndërsa me Lotusin e tij regjistroi kohën më të shpejtë në seancën e dytë dhe të fundit të provave të lira në Sepang, Malajzi.
Ajo që ra në sy ishte se të tre makinat e para u ndanë për më pak se një të dhjetat, me Vettel dhe Masën në vendin e dytë dhe të tretë.
Kohë e dobët ajo e Hamilton, i renditur i nënti me Mercedesin e tij, ndërsa për McLaren, në vendet 11 dhe 12, duket se problemet e fillimit të sezonit nuk janë vendosur ende në rrugën e zgjidhjes.
Provat zyrtare për Çmimin e Madh të Malajzisë do të transmetohen drejtpërdrejtë në Top Channel, ditën e shtunë, ora 09:00, ndërsa gara të dielën, në po të njëjtën orë.
Renditja e provave të dyta të lira të Malajzisë
Top Channel
