Arritja historike e qeverisë pakistaneze
17/03/2013 10:00
Ministri gjerman: Putin nuk ka synim Ukrainën, por Evropën! Kievi është vija jonë e parë e mbrojtjes 27/04 18:29
Kryeministri i Pakistanit e konsideroi si një “fitore historike” për demokracinë dhe vendin, përmbushjen e plotë të një mandati të një qeverie të zgjedhur me zgjedhje të lira, për herë të parë në historinë e Pakistanit.
”Askush nuk do të jetë në gjendje të dëmtojë demokracinë pakistaneze në të ardhmen”, deklaroi shpresëplotë Raja Pervez Ashraf.
Fjala e tij erdhi ndërsa qeveria përmbushi mandatin dhe në vend të saj u instalua një qeveri teknike, e cila në bazë të kushtetutës do të ketë si detyrë të vetme përgatitjen e zgjedhjeve të majit.
Që prej themelimit të Pakistanit, në vitin 1947, ka qenë e zakonshme që qeveritë të binin si rrjedhojë e grushteve të shtetit, luftës së ashpër politike apo vrasjeve.
Kjo është hera e parë në historinë e vendit, që një qeveri zgjidhet në mënyrë demokratike dhe çon deri në fund mandatin.
Megjithatë, një “arritje” e tillë historike nuk do të jetë e lehtë të përsëritet nga qeveria e ardhshme, e cila përballet me militantizmin në rritje dhe përshkallëzimin e dhunës midis komuniteteve të ndryshme fetare në vend.
Top Channel
