Indi, vetëvritet një i dyshuar për përdhunim
11/03/2013 08:30
Gjyshja bën transplantin e parë të veshkës së derrit të kombinuar me një pompë zemre mekanike! Si është gjendja e saj
25/04 13:56
Një nga të dyshuarit e përdhunimit dhe vrasjes së një studenteje në Delhi të Indisë ka vrarë veten në burgun ku po vuante dënimin.
Sipas BBC, Ram Singh u gjet i varur në qelinë e tij, në burgun Tihar, por avokati mbrojtës dhe familjarët dyshojnë se është vrarë.
33-vjeçari ishte një nga pesë burrat që u arrestuan për përdhunimin brutal të një vajze të re, ngjarje që ndodhi në dhjetor të vitit të kaluar dhe që ndezi debatin mbi trajtimin e femrave në Indi.
Sipas zëdhënësit të burgut, Ram Singh mendohet të ketë varur veten rreth orës 23:30 të ditës së dielë.
Ndërsa avokati mbrojtës i të akuzuarit u shpreh: “Ky është një lajm shokues. Asnjë rrethanë nuk të bën të mendosh për vetëvrasje. Ai ishte i lumtur me procesin gjyqësor dhe gjërat po shkonin shumë mirë. Nuk kishte arsye pse të vriste veten.”
Top Channel
