SHBA, papunësia vazhdon të ulet
08/03/2013 15:15
SHBA jep paketë të re me ndihmë ushtarake për Ukrainën, me vlerë 61 milion dollarë 26/04 20:27
Rritja ekonomike e SHBA-së, e inkurajuar nga rritja e bursës së Nju Jorkut në nivele rekord dhe tregues të tjerë inkurajues ekonomikë, mori një tjetër përgjigje pozitive ditën e premte, në publikimin e të dhënave për punësimin në muajin shkurt.
Sipas shifrave të publikuara në buletinin e përmuajshëm, në muajin e shkuar janë krijuar përafërsisht 236 mijë vende pune, më shumë nga parashikimet më optimiste të janarit.
Në muajin e parë të 2013-s, rritja ekonomike gjeneroi 157 mijë vende punësimi.
Në bazë të këtyre të dhënave, papunësia e përgjithshme në SHBA ka rënë në 7,7%, niveli më i ulët që prej dhjetorit 2008.
Punësimi u rrit mbi të gjitha në bizneset profesionale dhe shërbime, si ndërtim apo kujdes mjekësor.
Të dhënat inkurajuese për ekonominë amerikane ndikuan në një rritje të përgjithshme të bursave, përfshi ato europiane dhe aziatike, ndërsa dollari u forcua përballë euros dhe jenit.
Bursa e Londrës, “FTSE 100” regjistroi një rritje prej 0,5% gjatë së premtes, ndërsa ajo e Parisit, “CAC 40”, shënonte një rritje 1,3% pas mesdite.
Top Channel
