Itali, sekuestrohen 450 mln euro të mafies

Midis aseteve të bllokuara figurojnë disa kompani dhe një fshat turistik.

Hetimet që çuan në këto arrestime nisën në vitin 2008, me subjekt rrjetin e Ndraghetës dhe aktivitetin e krimit të organizuar në aktivitetet turistike në Kalabri.

Sipas mediave italiane, midis të arrestuarve ka edhe disa shtetas spanjollë si dhe një person i dyshuar për lidhje me organzatën irlandeze të IRA-s, e konsideruar si terroriste nga qeveria britanike, SHBA dhe shumica e vendeve europiane.

Duket se hetimet kanë nxjerrë në dritë ekzistencën e një rrjeti të gjerë dhe kompleks ndërlidhje midis disa kompanive që mbulonin e pastronin paratë e aktivitetit të mafies, me kompani dhe biznese të tjera jashtë vendit.

Midis lidhjeve më të forta, besohet se janë ato të drejtuesve të “Ndraghetës”, familjes mafioze që komandon në Kalabri, me sipërmarrës të fuqishëm spanjollë.

Top Channel