Pakistan, të paktën 45 të vdekur nga bomba
03/03/2013 18:50
Raste të tjera të dyshuara me Ebola në Brazil, izolohen dy burra nga Kongo dhe Uganda 31/05 20:17
Skema e ngjyrave
Madhësia e shkrimit
Të paktën 45 persona janë vrarë nga një shpërthim me bombë në qytetin pakistanez të Karaçit, ka bërë të ditur policia.
Shpërthimi, në zonën e muslimanëve Shiitë të Abbas Town, shkatërroi disa ndërtesa, ndërkohë që disa të tjera u përfshinë nga flakët. Disa raportime flasin edhe për një shpërthim të dytë.
Ekipet e shpëtimit kanë hasur vështirësi në kërkimet për njerëz nën rrënoja. Minoriteti Shiit në Pakistan është objektiv i sulmeve të vazhdueshme sektariane nga grupet e militantëve Sunnitë.
Shpërthimi ka shkaktuar një rè të madhe tymi në qiellin e Karaçit, duke shkaktuar edhe ndërprerje të energjisë në disa pjesë të qytetit. Qytetarët janë duke përdorur dritat e makinave për të ndihmuar ekipet e shpëtimit të kërkojnë për të mbijetuar, raportojnë mediat vendase.
Më shumë se 150 persona janë plagosur dhe ekziston frika se numri i të vdekurve mund të rritet. Puna e ekipeve të shpëtimit është shtyrë, pasi disa rezidentë qëlluan me armë në ajër, në shenjë reagimi për këtë masakër.
Top Channel
