Sulmi ndaj nxënësve shqiptarë

Por, këto informacione policia nuk ka dashur t’i konfirmojë, por as nuk i ka mohuar. Nuk përjashtohet mundësia që ky sulm të jetë si pasojë e revoltës tek tifozët maqedonas nga emërimi i ish-komandatit të UÇK-së Talat Xhaferi në krye te Ministrisë së Mbrojtjes.

Tifozët e skuadrës së basketbollit MZT-SHKUP, gjatë ndeshjes së fundit ndërkombëtare që kjo skuadër zhvilloi para disa ditëve në kryeqytetin maqedonas, mbanin parulla kundër emërimit të Xhaferit për ministër të Mbrojtjes.

Ndërkohë, lidhur me incidentet e fundit, përfshirë edhe sulmin ndaj 13 vjeçarit Blin Shabani, ka reaguar edhe Avokati i Popullit, Ixhet Memeti, i cili ka kërkuar nga organet kompetente që me urgjencë të ndërmarrin masa për kapjen e fajtorëve.

Sulmohen nxënësit shqiptarë

Mesditën e së enjtes dhjetra nxënës shqiptarë të shkollës së mesme “Dimitar Vllahov” u sulmuan në Shkup nga persona të panjohur.

Fëmijët thanë se sulmuesit ishin të maskuar dhe të armatosur me mjete të forta dhe thika. Tre prej nxënësve shqiptarë u lënduan rëndë dhe u dërguan për kurim në spitalin e qytetit.

Sipas nxënësve, sulmuesit folwn maqedonisht. Ata sqaruan se policia mbërriti në vendngjarje me rreth 40 minuta vonesë pas incidentit.

Ajo nuk ndërmori asnjë aktivitet për ndjekjen e tyre, por thjesht mblodhi dëshmi nga të lënduarit. Gjysma e fëmijëve qëndruan disa orë në ambientet policore ku dhanë dëshmitë e tyre mbi ngjarjen.

Nxënësit e sulmuar janë nga komuna Haraçinë e Shkupit. Kreu i kësaj komune, Basri Bajrami deklaroi se kjo dhunë është një skenar që ka për qëllim destabilizimin e situatës dhe mbjelljen e frikës te shqiptarët. 

Top Channel