Prizren, kreu i komunës nën akuzë
27/02/2013 16:15
Ballkani hyn më shpejt në BE, Von der Leyen: “Përfiton” prej tensioneve gjeopolitike
31/10 14:24
Një prokuror i EULEX-it ka ngritur aktakuzë për korrupsion në Gjykatën Themelore të Prizrenit, kundër kryetarit të Komunës së Prizrenit, Ramadan Muja dhe pesë zyrtarëve tjerë të kësaj zyre.
Prokurori ka ngritur akuza kundër të pandehurve Ramadan Muja, Sadik Paçarizi, Avni Ademaj, Kadri Ukimeri, Abdullah Tejeci dhe Minir Krasniqi.
Ramadan Muja akuzohet në katër pika të aktakuzës për keqpërdorim të pozitës zyrtare, ose autoritetit. Ndërsa Minir Krasniqi, Kadri Ukimeri, Avni Ademaj, Sadik Paçarizi dhe Abdullah Tejeci akuzohen po ashtu për shpërdorim detyre, secili në vartësi të postit që gëzon.
Rasti përfshin pretendime për shfrytëzim dhe përfitim të paligjshëm nga toka që i takon Komunës së Prizrenit dhe vepra të tjera që kanë rezultuar me shkeljen e rëndë të të drejtave të një numri të paditësve në konteste civile.
Top Channel
