Lazio rigjen fitoren në kampionat, pas më shumë se 1 muaji, duke u ngjitur sërish në zonën “Champions”, me arritjen e vendit të tretë, pas fitores 2-0 ndaj Pescara-s.
Skuadra e Petkovic zhbllokon rezultatin në minutën e 29-të, pas një gjuajtjeje të Radu, e cila ndalet në këndin më të largët të portierit kundërshtar. Edhe goli i dytë është pothuajse identik, një goditje e fuqishme e Lulic nga rreth 20 metra, në minutën e 35-të.
Pescara u duk tepër sterile në përpjekjet e saj, teksa bardhekaltrit i rimarrin vendin e tretë Milanit, përpara ndeshjes direkte të ditës së shtunë.
Napoli është ndalur në barazim 0-0 në transfertë ndaj Udinezes duke humbur terren në luftën për titull me Juventusin.
Në ndeshjen e luajtur në Friuli, miqtë pavarësisht përpjekjeve për të marrë 3-pikëshin nuk mundën t’ia arrijnë qëllimit. Paraqitja e dobët e skuadrës që mban vendin e dytë në Serinë A, 6 pikë më pak se sa Juventusi kryesues, është vazhdimësi e periudhës jo fort të mirë që po kalojnë napolitanët.
Të enjten ata u eleminuan nga Liga e Kampioneve pas humbjes 2-0 në transfertë ndaj Plzenit, ndërkohë që edhe ndeshjen e parë, atë të luajtur në Itali e kishin humbur me rezultatin 0-3.
Ndeshja Lacio-Udineze, që po luhet aktualisht mbyll javën e 26-të të Serisë A. Në renditjen aktuale, Juventusi kryeson me 58 pikë, ndjek Napoli me 52, Milan 45 e më pas Inter e Lacio (-1 ndeshje) me nga 44 pikë.
Top Channel
