Një 18-vjeçar nga lagjia numër katër e Kurbinit, me emrin Gjin Lleshi ka gjetur vdekjen si pasojë e shembjes mbi kokën e tij të një pjese tarace tek ish-uzina e superfosfatit në Laç.
I riu ka qënë duke mbledhur skrap në këtë zonë, proces të cilin e kryente shpesh, por dita e sotme ka qenë e fundit e ritualit të tij të përditshëm për të siguruar pak të ardhura për familjen e tij.
Menjëherë në vendngjarje kanë shkuar uniformat blu ndërsa edhe këto të fundit konfirmojnë shkakun e humbjes së jetës së të riut.
Pas ndërhyrjes së forcave zjarrfikse dhe policisë u bë e mundur edhe nxjerrja nga gërmadhat e trupit të pajetë të 18-vjeçarit Lleshi. Kjo eshte vdekja e dytë që ndodh në rrënojat e superfosfatit që shkatërrohet për skrap.
Top Channel
