Nevil Dede, trajneri i ri i Tiranës
19/02/2013 00:00
Sofía Suescun, ylli spanjoll që jeton me sportin dhe fitness-in 29/10 23:38
Nevil Dede është prezantuar si trajneri i Tiranës deri në fund të të këtij sezoni, me opsionin e rinovimit.
Në konferencën për shtyp në ambientet e klubit bardheblu, administratori Tagani, drejtori sportiv Tafaji dhe Dede kanë prezantuar plotësimin e organikës që pritet të sjellin rezultat në këtë fazë të dytë të kampionatit.
“Jam i kënaqur që jam trajner i Tiranës. Është një ekip me cilësi dhe do të bëj përpjekjet maksimale që skuadra të marrë më të mirën e asaj që ka ngelur në këtë sezon”, theksoi Dede.
Ky është trajneri i katërt brenda këtij sezoni për Tiranën, një bilanc që konfirmon edhe një herë çekuilibrin e bardhebluve në drejtim. Pas Rubios, Lekbellos dhe Tafajit është radha e Nevil Dedes, i cili edhe në të shkuarën e ka drejtuar klubin bardheblu.
Mbështetja kësaj here duket pa limit për të, por si gjithmonë prezantimet dhe fjalët e para janë pozitive, por se çfarë do të ndodhë do të na e tregojë koha.
Top Channel
