Bayern përballet me Arsenal

Kryesuesit e Bundesligës kanë fituar 18 nga 22 ndeshjet e kampionatit në këtë sezon, ndërkohë fitorja e fundit ishte me Volfsburgun 2-0 ishte e katërta rradhzai. Me golin në këtë ndeshje Mandzukic shkoi në kuotën e 15 golave, duke kryesuar listën e golashënueseve në Bundesligë. Ai do të jetë me sa duket në sulm edhe në mbrëmjen e sotme përball Arsenalit, duke lënë ndoshta sërish Gomezin në pankinë. Kroati po kalon një formë shumë të mirë ndërkohë që Gomez pas dëmtimit në kavilie nuk po arrin rikuperimin e plotë.

Gjithashtu do të mungojë në mbrëmjen e sotme edhe Zherom Boateng  cili është i dënuar, Batshtuber është i dëmtuar bashkë me Klaudio Pizarron. Nga ana tjetër Arsenali do të mundohet në këtë mbrëmje të harrojë zhgënjimin e ndeshjes së kupës, ku u eliminua nga Blackburn. Kjo disfatë i bashkohet edhe pozicionit jo të mirë të skuadrës së Vengerit në këtë sezon në kampionat, për këtë arsye e gjithë vëmendja e trajnerit francez tashmë është Champions League.

Ndeshja tjetër e mbrëmjes së sotme do të jetë ajo mes Portos dhe Malagas. Pelegrini beson se Porto është një skuadër me lojtar kualitativ, megjithatë kiliani është i bindur se skuadra e tij do t’ia dalë mbanë në këtë ndeshje të parë në Portugali. Këto ndeshje si gjithmonë do të keni mundësinë t’i ndiqni drejtpërdrejt në SuperSport në platformës DigitAlb.

Top Channel