Hugo Chavez është rikthyer në Venezuelë pas trajtimit për kancer në
Kubë. Në tre mesazhe të postuara në faqen e tij në Tëitter, presidenti
venezuelian falenderon homologun kuban dhe ish-liderin Fidel Kastro per
ndihmen e dhene.
Falenderime shkojne edhe per venezuelianet qe sic thote, e mbeshteten pa hezitim. Mesazhet sqarojne se Chavez do ta vazhdoje kurimin ne vendlindje. President i Venezueles prej 14 vjetesh, ai u rizgjodh tetorin e vitit te kaluar per nje mandat te ri 6-vjecar ne krye te shtetit, por ceremonia e betimit u shty per shkak te gjendjes se renduar shendetesore.
Nga mesi i dhjetori, Chavezi shkoi ne Kube per t`iu nenshtruar operacionit te katert brenda 18 muajsh kunder kancerit qe iu diagnostikua diku nga mesi i 2011-tes. Javen e kaluar, Qeveria venezueljane publikoi fotot e tij te para qe prej nderhyrjes kirurgjikale. Chavezi shihej aty ne shtrat duke buzeqeshur me nje gazete ne dore, i rrethuar nga dy vajzat e tij.
3,9 milione vete e ndjekin presidentin e Venezueles ne Twitter. Ne mesazhet e postuara nuk ka informacion te sakte per daten e mberritjes e asnje te dhene qe te tregoje nese do te rinise detyren tani shpejt. Mungesa e informacionit e ka rrethuar me mister gjendjen e vertete te Hugo Chavezit, por mendohet se semundja eshte ne faze vertet serioze. Gjate trajtimit ne Kube, lideri venezueljan raportohet te kete hequr disa tumore ne zonen e legenit, ndersa i eshte nenshtruar me pare edhe trajtimeve me rreze dhe kimioterapise.
Top Channel
