Kina feston Vitin e Ri
10/02/2013 10:40
Miliona persona kanë festuar Vitin e Ri Hënor, ose siç njihet ndryshe Vitin e Ri kinez, festa më e rëndësishme për shumicën e aziatikëve.
Në mesnatë, në Kinë u shënua hyrja në vitin e Gjarpërit dhe u “përcoll” ai i Dragoit.
Rreth 200 milionë persona kanë udhëtuar drejt Kinës për të kaluar Vitin e Ri me familjarët e tyre dhe ky është migrimi më i madh i planetit.
Festa do të vazhdojë përgjatë gjithë javës dhe administrata shtetërore së bashku me bizneset private nuk punojnë në këtë periudhë.
Gjarpëri në Kinë shihet si simbol i zgjuarsisë dhe bukurisë, por gjithashtu simbolizon krenarinë dhe zemërimin.
Top Channel