Francë, 3 shtetas në gjyq për terrorizëm

Katër të dyshuarit, të ndaluar në zonën e Parisit ditën e martë, besohet se “kanë mbajtur lidhje dhe janë vënë në dispozicion të një organizate terroriste”.

Tre prej tyre janë shtetas francezë, ndërsa njëri është nga Mali, raportoi “Agence France Presse” ditën e dielë.

Sipas të dhënave, besohet se ata janë të lidhur me një çështje që solli arrestimin e disa shtetasve francezë një vit më parë, pasi ata udhëtuan në Niger, me qëllim që t’i bashkoheshin organizatave terroriste.

Nisja e këtij gjykimi vjen ndërsa Mali, ish-kolonia franceze ku Parisi ndërhyri për të shpëtuar rënien e qeverisë qëndrore dhe instalimin e një qeverie militante, po përballet me sulmet e para kamikaze, të marra përsipër prej Al-Kaedës.

”Duhet të vazhdojmë të shkatërrojmë këto rrjete, të cilat kanë si qëllim të organizojnë sulme në territorin tonë, të godasin shtetasit francezë në udhëtimet e tyre apo të shpallin një luftë fetare ndaj Francës”, deklaroi ministri i Brendshëm, Manuel Valls.

Ndërhyrja e suksesshme e Francës në Mali, që nga 11 janari, solli rikthimin e të gjithë qyteteve kryesore nën kontrollin e qeverisë qëndrore, por operacioni në Afrikë ka vendosur nën alarm të shtuar shtetin francez, të kërcënuar nga grupe të ndryshme terroristësh për sulme brenda vendit.

Top Channel