“Dell computers” do të riblihet nga themeluesi Michael Dell
06/02/2013 04:55
Protestat në kampusin e Universitetit të Kolumbias, efekticvi i policisë qëllon aksidentalisht me armë 03/05 22:59
Michael Dell ka bërë të ditur se do të riblejë prodhuesin e tretë në botë të kompjuterave, që e ka vet-themeluar kohë më parë si dhe që ruan ende emrin e tij.
Së bashku me investitorin e fuqishëm teknologjik Silver Lake, si dhe me mbështetjen financiare të Microsoft, ai do të ofrojë rreth 24,4 miliardë dollarë, për të riblerë firmën.
Kjo lëvizje do ta nxjerrë Dell-in nga bursa e Nasdaq, pas 25 vitesh.
Dell shpreson t’i rikthejë qëndrueshmërinë një firme, e cila ka hasur shumë probleme së fundi, dhe që të konkurrojë me rivalët më të lirë aziatikë, si dhe ndaj kompjuterave smartphone apo tablet.
Suksesi i Dell gjatë 29 viteve të fundit e bëri themeluesin e tij një nga njerëzit më të pasur në Amerikë.
Shefi ekzekutiv dhe pronari aktual zotëron rreth 14% të firmës. Ai dhe disa shefa të tjerë ekzekutivë do t’i ruajnë aksionet ekzistuese.
Blerja e aksioneve të mbetura do të kryhet nga një konsorcium i përbërë nga vet zoti Dell, fondi i tij i investimeve dhe Silver Lake. Ai do të financohet nga huatë e katër bankave të ndryshme, si dhe nga 2 miliardë dollarë hua prej Microsoft-it.
Top Channel
