Dy të vdekur dhe një i plagosur është bilanci i një aksidenti të rëndë të ndodhur në orët e para të mëngjesit të së dielës, në rrethin e Korçës.
Aksidenti i rëndë u regjistrua rreth orës 3 të mëngjesit në vendin e quajtur “Lëndina e Lotëve”, teksa automjeti u përplas me një pemë dhe për pasojë gjetën vdekjen e menjëhershme dy djem 21-vjeçarë.
Elton Bazelli dhe Ermir Spiro u dërguan drejt morgut të spitalit rajonal në qytetin juglindor. Në automjet udhëtonte edhe një tjetër i ri, shok me viktimat, Aldo Naumi, i cili ndodhet në gjendje të rëndë për jetën në spital, duke iu nënshtruar ndërhyrjeve kirurgjikale.
Sipas policisë, shkak i aksidentit ishte shpejtësia e madhe e automjetit që po udhëtonin të rinjtë, ndërkohë që ekspertiza mjeko-ligjore vërtetoi se kishin konsumuar alkool.
Top Channel