Përkeqësohen marrëdhëniet Rusi-SHBA
30/01/2013 15:35
“Lufta nuk është e shenjtë, jeta është”, protestë masive në Tel Aviv për marrëveshjen e pengjeve. Kryeministri izraelit përballet me presion 05/05 11:03
Qeveria ruse informoi ditën e mërkurë për ndërprerjen e një marrëveshje me SHBA-në, për luftën ndaj krimit të organizuar dhe trafikut ndërkombëtar të drogës, shenjë e qartë e marrëdhënieve në përkeqësim.
Sipas kryeministrit Dmitry Medvedev, marrëveshja e firmosur një dekadë më parë nuk adresonte një zgjidhje për problemet aktuale dhe kishte “konsumuar potencialin e saj”.
Marrëveshja përqendrohej në financimin nga ana e Uashingtonit, të disa projekteve të luftës kundër krimit nga Moska zyrtare.
Në muajin dhjetor, Rusia i ndaloi shtetasve amerikane që të birësonin fëmijë nga jetimoret e vendit, duke cituar arsyet e sigurisë, në një tjetër vendim kondradiktor, që dëmtoi marrëdhëniet dypalëshe.
Ndërkohë, dy organizata joqeveritare amerikane lajmëruan për tërheqjen e stafit jorus dhe mbylljen e çdo kontakti në vend, pas kërcënimeve për arrestimin e punonjësve.
Instituti Demokratik Kombëtar dhe Instituti Ndërkombëtar Repiblikan, dy OJQ që promovonin secila demokracinë, mbyllën zyrtat e tyre në Moskë më parë gjatë 2012-s, pas një ligji që i jepte të drejtë shtetit të përzinte çdo organizatë të huaj, që vlerësohej se “ndërhynte në punët e brendshme” të Rusisë.
Më parë gjatë janarit, Moska zyrtare, në një raport mbi situatën në SHBA, shprehte “shqetësimin e saj të thellë” për gjendjen e keqe të burgjeve në vend dhe kritikonte “standartin e ulët demokratik” dhe “parregullsitë” e vërejtura në zgjedhjet presidenciale të tetorit.
Top Channel
