Mursi takon Merkelin

“Linja për dialog është gjithmonë e hapur për të gjithë forcat politike në Egjipt, qe forcat e ndryshme politike mund të japin kontributet e tyre, që të drejtat e njeriut te respektohen në Egjipit dhe të provohet liria e besimit”, deklaroi Merkel.

Udhetimi i presidentit egjiptian ne Gjermani ka vetem nje qellim te binde Europen per kredencialet e tij, por tensionet ne atdhe e detyruan ta shkurtoje qendrimin dhe te pezulloje edhe viziten e parashikuar ne Paris.

Ai bindi kancelaren gjermane se dialogu eshte i mundur, por hodhi poshte kerkesen e opozites per te formuar nje qeveri te unitetit kombetar.

“Egjipti do te jete nje shtet i mbeshtetur ne ligj, nje shtet civil dhe jo ushtarak qe nuk ka natyre teokratike, nje shtet qe lejon opinionet e kunderta dhe ndryshimin e pushtetit, nje shtet demokratik, me kete kuptoj nje shtet modern qe i korrespondon ketyre fjaleve ne te gjitha menyrat”, deklaroi Mursi.

Udheheqesi egjiptian po perballet me protestat e grupeve liberale dhe te rinjve qe kundershtojne kushtetuten e re te vendit.

Dy protestues u qelluan per vdekje ne oret e para te mengjesit ne sheshin “Tahrir”, ne qender te Kajros, ne diten e shtate te protestave.

Te marten, Ministri i Mbrojtjes dhe Shefi i Ushtrise Egjiptiane paralajmeroi se shteti eshte buze te humneres nese kundershtaret e Mursit nuk i japin fund protestave.

Gjate qendrimit ne Berlin, Mursi shpjegoi edhe deklaraten e tij e 2010-es per hebrejtë, e cila sipas tij, ishte shkeputur nga konteksti dhe ishte keqinterpretuar.

“Nuk jam kunder besimit hebraik, nuk jam kunder hebrenjve qe praktikojne besimin e tyre. Fola per praktikat dhe sjelljen e besimtareve te çdo feje qe duan gjak, sulmojne njerezit e pafajshem apo civilet. Kjo eshte sjellja qe une denoj”- tha presidenti egjiptian.

Top Channel