“Katari bleu Botërorin 2022”
29/01/2013 16:50
Lajm i keq nga Kombëtarja, dëmtohet Jasir Asani/ Ja sa do mungojë futbollisti kuqezi 30/11 10:18
‘France Football’ publikoi ditën e martë një dosje prej 20 faqesh me titull “Qatargate’, ku tregon teorinë e saj mbi një blerje të mundshme të votave në përcaktimin e Katarit si vendi organizator i Kupës së Botës së vitit 2022.
Revista e famshme sportive akuzon FIFA-n dhe federatat e Francës dhe Emirateve të Bashkuara Arabe për përfshirje në “intrigë”. Gjithashtu drejton gishtin tek presidenti i UEFA-s, francezi Michel Platini, si një nga organizatorët e negociatave me drejtuesit nga Katari.
Platini ka pranuar se ka qenë i pranishëm në një darkë me presidentin francez Nicolas Sarkozy dhe princin nga Katari, Tamin bin Hamad Al-Thani. Pas këtij takimi, sipas ‘France Football’, Platini nuk ia ka dhënë votën Shteteve të Bashkuara të Amerikës ashtu siç kishte menduar fillimisht, por Katarit. Aty u arrit edhe marrëveshja e blerjes së Paris Saint Germain nga Al-Thani.
Më 2 dhjetor të vitit 2010, Katari u zgjodh organizator i Botërorit të vitit 2022 duke mposhtur kandidaturat e SHBA-së, Australisë dhe Koresë së Jugut e Japonisë. Katari mori 14 nga 22 votat e anëtarëve të ekzekutivit të FIFA-s edhe pse kishte shumë mangësi në infrastrukturë.
Top Channel
