“Samsung”, në punë për syzet inteligjente

Ato do të quhen “Galaxy Glass” dhe sipas burimeve nga kompania mund të jenë gati për të dalë në treg vjeshtën e ardhshme. Objektivi i shtëpisë koreano-jugore është prezantimi i produktit në panairin elektronik të Berlinit që mbahet në shtator.

Dispozitivi punon në simbiozë me një telefon smart, sikurse punon me orën inteligjente “Galaxy Gear” dhe u mundëson përdoruesve të marrin dhe bëjnë telefonata, si dhe të dëgjojnë muzikë.

Edhe prodhues të tjerë, nga “Sony” tek “Microsoft”, kanë treguar interesin për zhvillimin e projekteve të tilla, edhe pse jo në konkurrencë direkte me “Google Glass”.

Verën e kaluar një kompani amerikane publikoi planin për realizimin e syzeve me realitet të rritur, që kombinojnë teknologjitë për njohjen e fytyrës dhe komandave zanore, ideale për sistemet e lojrave elektronike që mund të luhen nga shumë lojtarë njëkohësisht.

Top Channel