Filipine, kanadezi hap zjarr në gjykatë
22/01/2013 00:00
Tragjike në Greqi/ Një person digjet brenda makinës, njëkohësisht dhe shtëpia e tij në flakë 16/12 15:40
Një shtetas kanadez ka hapur zjarr në një gjykatë në Filipine, duke vrarë dy persona dhe plagosur një të tretë.
Ngjarja ka ndodhur në qytetin Cebu mëngjesin e së martës dhe personi po përballej me akuza për veprime keqdashëse.
Nga të shtënat avokati i kanadezit dhe një doktor i pranishëm kanë mbetur të vrarë, ndërsa një prokuror ka mbetur i plagosur. 65-vjeçari më pas është qëlluar nga policia dhe ka ndërruar jetë pak më vonë në spital.
“Ne po hetojmë për të zbuluar se si i dyshuari arriti të fuste një armë në gjykatë”, ka deklaruar shefi i policisë lokale për një stacion radiofonik.
Ende nuk është e qartë nëse kanadezi qëlloi veten pasi hapi zjarr ndaj avokatit dhe doktorit apo u qëllua nga policia, por dyshohet se kanë ndodhur të dyja pistat.
Ngjarja ndodh në një moment kur në Azinë Jug-lindore po zhvillohet një debat i gjerë mbi kontrollin e armëve, pas verifikimit të një sërë ngjarjesh të ngjashme, përfshirë një muajin e kaluar ku mbetën të vrarë 7 persona.
Të dhënat e policisë tregojnë se në Filipine u regjistruan vitin e kaluar 1.2 milion armë zjarri, ndërkohë që rreth 500 mijë të tjera mbahen në mënyrë ilegale.
Top Channel
