Korona, Interpoli lëshon mandat arresti
21/01/2013 00:00
Video/ Edhe në -45 gradë Celsius, qyteti më i ftohtë në botë funksionon normalisht 15/12 22:51
Zyra e Interpolit në Milano lëshoi një mandat arresti në të gjithë Europën për fotografin paparac Fabricio Korona.
Vendndodhja e tij nuk dihet prej së premtes, pak përpara se gjykata të shpallte dënimin e tij. Korona u shpall fajtor për shantazhin, që i bëri futbollistit David Trezege, të cilit i kërkoi para në këmbim të disa fotove kompromentuese.
Ai u dënua me pesë vjet burg. Sipas agjencisë së lajmeve ANSA, arratia nga ligji do të thotë shtimin me dy vjet e 10 muaj të dënimit. Me agjencinë e tij, Korona u bë një figurë qendrore në Itali, në vendin ku lindi dhe fjala “paparac” për fotoreporterin që zbulon jetën private të VIP-ave.
Si Trezege, edhe personazhe të tjerë e akuzuan Fabricio Koronën, përfshi këtu edhe pjesëtarë të familjes së Silvio Berluskonit.
Për Koronën, nuk bëhej fjalë për shantazhe, por thjesht se u kishte dhënë vipave një mundësi për të paguar fotot kompromentuese, për t’i tërhequr më pas nga qarkullimi. Ai i ka ofruar atyre të njëjtin çmim, që do t’i paguante një revistë.
Top Channel
