Poloni, gjyqi për ushtarët vrasës
09/01/2013 15:45
Rritet numri i atyre që marrin nënshtetësinë gjermane, shumica sirianë
29/05 13:35
Katër ushtarë polakë, të akuzuar për vrasjen e tetë civilëve afganë, u paraqitën të mërkurën në gjykatë për t’u përballur me drejtësinë që mund t’i dërgojë në burg për 5-12 vitet e ardhshme.
Civilët, përfshirë gra dhe fëmijë, mbeten te vrare në fshatin e Nangarit në Khel, kur trupat polake hapën zjarr mbi një ceremoni martesore, në gusht 2007.
Prokurorët ushtarakë apeluan në Gjykatën e Lartë Polake, pasi shkalla e parë shfajësoi për mungesë provash shtatë ushtarë ne 2011-n.
Në apel u konfirmua shfajësimi i tre ushtaravë, ndërsa katër të tjerët u thirrën për t’u ripërballuar me akuzat.
E përditshmja “Wiadomosci”, duke iu refertuar akuzës, i cilësoi dëshmitë e personave të përfshirë në këtë ngjarje si kontradiktore.
Në marrjen e veçuar në pyetje, disa ushtarë justifikuan sulmin e tyre duke thënë se po i përgjigjeshin zjarrit taleban, të tjerë thanë se kështu ishin urdhëruar, ndërsa njëri prej tyre u mbrojt duke thënë se municioni ishte difektoz.
Ushtarët polakë akuzohen për shkelje të Konventës së Gjenevës dhe Hagës, në lidhje me mbrojtjen e civilëve në konflikte të armatosura.
Aktualisht, Polonia ka në Afganistan rreth 2 500 trupa, të cilat shërbejnë si pjesë e koalicionit prej 130 mijë ushtarësh të NATO-s dhe vendeve aleate.
Top Channel
