Franca do të ekstradojë disidentin kazak
09/01/2013 15:55
Putin paralajmëron Perëndimin: Mos lejoni Ukrainën të përdorë raketat tuaja për të na goditur! Do ketë pasoja të rënda 29/05 10:12
Një gjykatë franceze vendosi se një manjat disident kazak, Mukhtar Ablyazov, duhet të ekstradohet në Rusi ose Ukrainë, për t’u përballur me akuzat e mashtrimit financiar.
Ablyazov dyshohet se përvetësoi miliarda dollarë nga banka kazake “BTA Bank”, e cila operon gjithashtu në Rusi dhe ish-Republika të tjera Sovjetike.
Sipas vendimit të gjykatës franceze, përparësi do t’i jepet kërkesës ruse për ekstradim.
Ai u arrestua në muajin Korrik në Francë, në bazë të një mandat arresti ndërkombëtar.
Mukhtar mohon akuzat dhe pretendon se gruaja dhe fëmijët e tij do të jenë të rrezikuar nëse do të rikthehen në Kazakistan.
“BTA” përshëndeti vendimin e drejtësisë franceze, duke thënë se tashmë shpreson që drejtësia të jetë në gjendje t’i rikthejë edhe miliardat e shpërdoruara prej manjatit.
Ablyazov është një ish-ministër i Energjisë dhe Tregëtisë në Kazakistan. Ai u largua nga vendlindja në vitin 2009, pasi u kundërshtoi publikisht regjimin autoritar të presidentit Nursultan Nazarbayev.
Top Channel
