Shqipëria është duke hartuar një strategji 7-vjeçare për menaxhimin e integruar të kufijve. Ministri i Brendshëm në deklaratën e tij u shpreh se kontrabanda dhe trafiqet janë goditur.
“Menaxhimi i integruar i kufirit mbetet aspekti më esencial i bashkërendimit dhe bashkëpunimit kombëtar dhe ndërkombëtar mes të gjitha autoriteteve dhe agjencive të përfshira në sigurimin e kufirit dhe lehtësimin e tregtisë. Ky sistem ka synuar dhe do të synojë gjithmonë që kufijtë të jenë të hapur, por të kontrolluar dhe të jenë tërësisht të sigurtë”, tha ministri Noka.
Në konferencën e Menaxhimit të Kufijve, Ambasadori i BE-së në vendin tonë, Sequi u shpreh se do të vazhdojnë financimet për kufij të sigurtë në Shqipëri, por ai theksoi se e rëndësishme është të përmirësohet ende kuadri ligjor.
Top Channel
