Kina hapi zyrtarisht për pasagjerët linjën më të gjatë në botë të trenave me shpejtësi të lartë.
Linja hekurudhore lidh kryeqytetin Pekin me kryeqendrën ekonomike dhe financiare jugore Guangzhou.
E gjatë 2298 kilometra, trenat në këtë hekurudhë do të udhëtojnë me shpejtësi mbi 300 kilometër në orë duke përgjysmuar kohën e udhëtimit nga Pekini në Guanzhou që aktualisht është më shumë se 22 orë.
Agjencia shtetërore e lajmeve tha se u zgjodh data 26 dhjetor për përurimin e kësaj vepre, më modernia e llojit të saj në botë, për të nderuar Mao Ce Dunin, liderin e parë të Partisë Komuniste kineze që ka lindur pikërisht në këtë datë.
Por pavarësisht trumpetimit, ndërtimi sistemit hekurudhor modern kinez është vënë në qendër të kritikave. Muajin e kaluar në lindje të vendit, 5 persona gjetën vdekjen si pasojë e përplasjes së një treni të shpejtësisë së lartë dhe shkak i aksidentit ishte bërë një keqfunksionim në sistem.
Kritikët thonë se rrjeti hekurudhor është bërë folezë e korrupsionit të zyrtarëve vendor e qendrorë që me ndërtimin e tij u heqin nga duart miliona dollarë në vit kinezëve.
Top Channel
