Itali, vritet shqiptari, plagoset një tjetër
24/12/2012 00:00
Tentuan të korruptojnë policinë për të shmangur ndëshkimin, në pranga dy shtetas 15/09 11:27
Një shtetas shqiptar është vrarë dhe një tjetër është plagosur rëndë në një sulm me armë zjarri të kryer mbrëmjen e së dielës në provincën San Severo të Foxhias, në Itali.
Dy shqiptarët ndodheshin në bordin e një automjeti të cilit i është afruar një tjetër veturë, nga e cila kanë vërshuar plumbat, bëjnë të ditur mediat italiane.
Personi i plagosur është shtruar në spitalin lokal, ndërkohë që karabinierët kanë nisur hetimet, të koordinuara nga zyra e prokurorit të qytetit të rajonit të Pulias.
Gjithësesi, dyshimet e para bien për ndonjë hakmarrje personale, ose për ndonjë larje hesapesh mes bandave shqiptare.
Më herët gjatë muajit, një 21-vjeçar shqiptar humbi jetën në vendin fqinj, për shkak të një zënke për motive banale në qytetin e Firences.
Një grup shqiptarësh u përfshinë në sherrin e ndodhur jashtë një diskoteke në orët e para të mëngjesit të 14 dhjetorit.
Si pasojë e plagëve të mara gjeti vdekjen në spital Shahin Tushe, emigrant shqiptar me leje të rregullt qëndrimi dhe punësimi në Itali.
Policia italiane nisi hetimet për zbardhjen e ngjarjes. Paraprakisht dyshohej se shkak i përleshjes mes dy grupeve ishte bërë një femër.
Top Channel
